قصة حادثة الحروف الهجائيه

حكاية هنا مع الجراثيم

دى حكايه تنفع كمان للاطفال اللى بيحطوا صوابعه فى فمهم علشان كان فى مامى طالبه حكايه عن الموضوع دا يارب تنفع

حكاية هنا مع الجراثيم

كان يامكان فى بنوته اسمها هنا ..اسمها جميل ,,,وهى كمان بنوته جميله بس ياخساره ,,,هنا كان عندها عادتين وحشين خالص .. عارفين ايه ؟

أول عاده انها مش بتغسل ايدها قبل الاكل , والعاده التانيه بتاكل ضوافرها بأسنانها ودى حاجه سيئه جدا .

ماما كانت تقول لهنا : ياهنا ماينفعش ناكل من غير غسيل الايد بالمايه والصابون علشان الجراثيم والميكروبات

, ماما تقول : ياهنا ماينفعش ناكل ضوافرنا بأسنانا تحت الضوافر فيه اتربه , تحت الضوافر فيه جراثيم وميكروبات .

كانت ماما دايما تنصحها وتقول : لما نرجع البيت من اى مكان نغسل ايدنا بالمايه والصابون علشان الجراثيم والميكروبات .

لكن هنا كانت تيجى تاكل تفتكر كلام ماما فتبص لايدها وتقول : أنا مش شايفه جراثيم ولا ميكروبات فى ايدى اكيد لو موجوده هشوفها مافيش داعى أغسل ايدى , وتاكل وماتغسلش ايدها .

تيجى تاكل ضوافرها بأسنانها تفتكر كلام ماما ان فيه جراثيم تحت الضوافر فتبص لضوافرها وتقول : أنا مش شايفه جراثيم ولا ميكروبات تحت ضوافرى أكيد لو موجوده هشوفها وتاكل ضوافرها بأسنانها .

بس كان فيه حد بيسمعها وهى بتتكلم ومركز فى الكلام عارفين مين ؟
الجراثيم والميكروبات كانوا مش بس سمعينها دول كانوا بيضحكوا كل لما تقول كدا ويقولوا :
هنا فاكره أنها هتقدر تشوفنا بعينها هاهاهاهاا لكن طبعا مش هتقدر علشان احنا صغيرين جدا جدا جدا ماحدش يقدر يشوفنا بعينه خالص .

كانت الجراثيم مبسوطه ان هنا مش بتغسل ايدها بالمايه والصابون , وكانت الجراثيم مبسوطه أنها بتاكل ضوافرها بأسنانها وأنهم بالشكل دا هيقدروا يدخلوا جوا بطنها ويتغذوا ويكتروا , وكانت الجراثيم بتنادى كل أصحابهم الجراثيم التانيه علشان يقعدوا فى بيت هنا وفعلا بيت هنا أصبح مليان جراثيم , وكانوا بيحبوا يتجمعوا حولين هنا علشان عارفين أنها مش هتغسل ايدها , وطبعا هنا ماكناتش بتغسل ايدها

وفى يوم الخميس بالليل بابا هنا قالها أنهم هيروحوا يوم الجمعه الصبح أن شاء الله فى رحله وهيروحوا الملاهى كمان وهيقضوا يوم جميل .

هنا كانت مبسوطه جدا , هو فى حد مايفرحش أنه هيروح الملاهى , ونامت على سريرها وفى دنيا الاحلام بتحلم بالرحله والملاهى والمراجيح .

ويوم الجمعه الصبح صحيت هنا من نومها لكن ....... كانت بتعيط وبتصرخ وبتنادى على ماما وبابا .

كانت هنا مش قادره تفتح عينها وعينها مورمه , وبتصرخ من بطنها , بطنها واجعها جدا والالم شديد ,,, ياعينى ياهنا

ماماوبابا أخدوا هنا بسرعه على المستشفى , والدكتور كشف على بطنها وعينها وعملوا تحاليل لهنا كتير .

الدكتور بلغ ماما وبابا أن هنا هتحتاج تقعد كام يوم فى المستشفى لحد ماحالتها تتحسن .

بدأت هنا فى العلاج من أول يوم وكانت بتاخد أدويه كتيره وكمان حقن هى كانت مضايقه من الدوا علشان طعمه مر , والحقن بتوجعها .
بس ماما قالت : كلنا مش بنحب الدوا والحقن بس لما بناخدهم هنخف وهنكون أحسن وحالتنا تتحسن مع كل معلقة دوا ياهنا هتخفى أكتر بأذن الله , وتخرجى من المستشفى .
هنا أخدت الدوا والتزمت بكل تعليمات الدكتور كمان فى الاكل علشان كانت بتاكل حاجات محدده .
أصحاب هنا كانوا بيتصلوا يسألوا عليها ويطمنوا على صحتها ووعدوها أنهم هيزوروها فى البيت لما تخرج من المستشفى علشان الزياره ممنوعه , طبعا دينا علمنا اننا نسأل على المريض ونزوره شاطرين أصحابك ياهنا

هنا اتحسنت كتير والدكتور بلغ ماما وبابا أن هنا تقدر تخرج من المستشفى وانها خفت خلاص .
فرحت هنا وحمدت ربنا أنه اتم شفاها .

هنا فكرت قبل ماتخرج من المستشفى تشكر الدكتور اللى كان بيعالجها جميل اننا نشكر اى حد يعملنا حاجه
, الدكتور لما شافها قال : هنا أجمل بنوته فى المستشفى الحمد لله على شفاكى , أنا عايز أسألك على حاجه مهمه أنتى عارفه أنتى تعبتى ليه ؟

هزت هنا راسها وقالت : لا مش عارفه ينفع حضرتك تقولى .
الدكتور قال : كان فيه ميكروبات وجراثيم كتير فى بطنك هى السبب ان بطنك توجعك , وكمان عينك كان فيها ميكروب هو سبب ان عينك ورمت وانتى كل الادويه اللى اخديها قضت على الميكروبات كلها .
هنا قالت : والميكروبات دى جاتلى منين ؟ ودخلت بطنى ازاى ؟ وبردوا جت فى عينى ازاى ؟
الدكتور قال : الميكروبات والجراثيم موجوده حوالينا فى كل مكان وهى مضره وبتسبب أمراض كتيره مش بس البطن والعين ممكن الجلد , الانف , الاذن , بنحمى نفسنا منها بالنسبه للاكل مانكلش من برا البيت او اى اكل مكشوف ونغسل ايدنا بالمايه والصابون أول مانرجع من برا البيت وقبل الاكل والعين مش نحط أيدنا ناحية عينا وهى مش نضيفه .انتى عملتى ايه من الحاجات دى ؟

تفكر هنا وبعدين تقول : أنا ماما دايما تقولى اغسلى ايدك بالمايه والصابون بس أنا كنت بشوف ايدى مافيهاش جراثيم فمش بغسلها وكمان باكل ضوافرى بأسنانى , وبحط ايدى على عينى من غير مااغسلها مش لو فيه جراثيم هشوفها ؟

قالها الدكتور : تعالى ياهنا هوريكى حاجه شايفه الجهاز دا ؟

هزت هنا راسهاة: وقالت اه.
قال الدكتور : دا اسمه ميكروسكوب بيكبر الحاجات الصغيره جدا جدا ونقدر نشوفها بعنينا . بصى فى الميكروسكوب ياهنا

شافت هنا فى الميكروسكوب حاجات صغيره بتتحرك ولما شالت عينها من على الميكروسكوب ماشافتش حاجه .
قال الدكتور : دى ياهنا الجراثيم هى بتكون موجوده فى ايدك بس انتى مش هتشوفيها بعينك , علشان كدا افضل حل اننا نغسل ايدنا بالمايه والصابون هتقضى على الجراثيم , علشان كدا ربنا امرنا اننا نتوضا فى اليوم قبل الصلوات علشان دايما نحافظ على نظافة جسمنا ونقضى على الجراثيم دايما .

اتفقت هنا مع الدكتور انها هتغسل ايدها ومش هتاكل ضوافيرها بأسنانها تانى , علشان تحافظ على صحتها .

رجعت هنا البيت وأصحابها زاروها , وكانت مبسوطه بزيارتهم وشكرتهم وحكيتلهم كلام الدكتور عن الجراثيم وان غسيل الايد حاجه مهمه علشان نحمى نفسنا من الامراض .

هنا دلوقت تبص فى ايدها وتقول : أنا مش شايفه جراثيم فى ايدى بس مش معنى كدا انها مش موجوده ممكن تكون موجوده وانا اكيد مش شايفاها أنا هغسل ايدى بالمايه والصابون .

.

مين بيسمعها وهى بتتكلم عارفين مين ؟

أيوا الجراثيم ..بس المره دى كانت الجراثيم بس زعلانه ان هنا بتغسل ايدها بالمايه والصابون , الجراثيم بعدت عن هنا , الجراثيم سابت بيت هنا .
كمان هنا بطلت تاكل ضوافرها بأسنانها تماما .

لاحظت هنا وماما انها اصبحت مش بتتعب كتير زى زمان وان صحتها اصبحت احسن وبتكبر يوم عن يوم , ماالجراثيم بعدت عنها خلاص .

وفى يوم الخميس بالليل بابا هنا قالها أنهم هيروحوا يوم الجمعه الصبح أن شاء الله فى رحله وهيروحوا الملاهى كمان وهيقضوا يوم جميل .

هنا كانت مبسوطه جدا , هو فى حد مايفرحش أنه هيروح الملاهى ,ونامت على سريرها وفى دنيا الاحلام بتحلم بالرحله والملاهى والمراجيح .

ويوم الجمعه الصبح صحيت هنا من نومها سعيده وفرحانه ولبست وراحت مع بابا وماما الرحله وراحت الملاهى وقضت يوم جميل .

نقول تانى كان يامكان كان فى بنوته اسمها هنا اسمها جميل وهى كمان جميله وتخلصت من العادات السيئه

حدوته هتكلمك عن الطفل اللي مش بيبطل يقول عايز

حدوته هتكلمك عن الطفل اللي مش بيبطل يقول عايز...دايما عايز لعب او حلوي ولا يكتفي....
جومانة...امورة جدا ....وعندها اخت توأم اسمها جوري....بس فيه حاجة مضايقة جومانة......جوري....هاديه ومش بتوقع لعبها ومش بتتنطط كتير ....ودايما كلمات ماما الحلوة لجوري"شاطرة يا جوري....شايفة يا جومانه هدوء جوري"....
جومانه بتحب تتنطط ...وتتحرك...لكن نفسها تعجب ماما ...ومش قادرة!!!! كلام ماما دايما عن شطارة جوري؟؟؟؟؟
جومانة حاولت تقعد هادية لكن مقدرتش وفي الاخر نطت برضه ...وماما بصت لها بزعل كان عندهم ضيوف!!!
جومانه سألت جوري"هو انتي ازاي هادية؟"
جوري قالت"باقعد ساكتة"
جومانه مش عارفة تخلي ماما تتكلم عنها مع انها شاطرة اوي في الرسم والجمباز ....
جومانه بقت كل ما تشوف ماما تطلب اي حاجة عصير ...حاجة حلوة....جنيه....خروجة...
بالطريقة دي ماما مش لاقية وقت تشكر في جوري.....
ماما تعبت وبقت تزعق لجومانه "انتي مش بتبطلي طلبات؟"
ماما بتقفل علي نفسها وبتشتكي من جومانة لتيته وجدو
تيته جات تقعد النهاردة مع جومانة وجوري عشان ماما هتتأخر في مشوار...
تيته شافت رسم جومانة "روعه يا جومانة"
جومانه فرحت اوي وفرجت تيته علي الرسومات
تيته عجبتها اوي الرسومات زي ما عجبها هدوء جوري
ولما لعبت البنتين بالعرايس ...تيتة عجبها اوي نشاط جومانة زي ما عجبها هدوء جوري. ..جومانة كانت فرحانه اوي وما طلبتش من تيتة طلبات كتير...
ماما رجعت مجهدة فوجئت ان البنتين قاعدين بيلعبو مبسوطين وتيته مبتسمه.....
جومانه لاحظت ان تيته اخدت ماما علي جنب..تكلمها..
الطفل الذي يشعر انه غير قادر علي ارضائكم ولا جعلكم تمدحونه....يحاول ازعاجكم كي تلفتوا اليه بأي صورة ...
كل طفل له ميزاته من فضلكم لا تمدحوا واحدا وتتركوا الاخر فريسة للالم النفسي لانه سيكون فيما بعد مشكلتكم الكبيرة
اشباع الطفل يكون بارضائه عقليا ومهما جبتي لعب وهو مهزوز نفسيا لن يستريح. .

قصة فهد و درجات الامتحان

للمشاهدة اضغطى هنا

قصة جسمى ملك لى للحماية من خطر التحرش الجنسي

لكل أم تجد صعوبة في نوم أطفالها، إليكِ حلا سحريًا للأخذ بيد طفلك إلى عالم الأحلام والنوم الهادئ.. «شيماء عبد العال» تقدم مجموعة قصص يومية تساعدك على ذلك:

حدوتة النهاردة... «جسمي بتاعي أنا وبس»

كان ياما كان كان في زمان بنت جميلة اسمها جاسمين، كانت جاسمين بنت شاطرة و نشيطه وبتسمع كلام مامتها، وفي يوم من الأيام مامتها قالتلها انتي كبرتي دلوقتي يا جاسمين وبقي عندك تلات سنين، وفي شوية حاجات لازم تعرفيها كويس، ردت جاسمين وقالتلها قولي يا ماما أنا سمعاكي.

قالتلها بصي يا جاسمين جسم كل واحد فينا بتاعه هو و بس مش من حق أي حد انه يحط أيده علي جسم التاني، قالتلها يعني يا ماما أنا جسمي بتاعي أنا وبس، قالتلها طبعا يا جاسمين، الكلام دة للولد و للبنت برضه، وعشان كدة مينفعش أي حد يشوف جسمك غير مامتك بس، و لما تدخلي الحمام لازم تقفلي الباب عليكي، و لو أي حد عايز يسلم عليكي ويبوسك حتي و لو من قرايبنا يبوسك من خدك بس غير كدة يبقي غلط، وكمان مينفعش تقعدي علي رجل حد خالص، أحنا خلاص كبرنا و منغيرش هدومنا قدام حد تماما، و في أماكن معينة في جسمنا مينفعش حد يجي جمبها ابدا ابدا، و راحت مامتها جابت عروسة من بتوع جاسمين و شرحتلها الاماكن دي فين بالظبط.

كانت جاسمين قاعدة بتسمع لكلام مامتها و مركزة جدا و بعد ما مامتها خلصت كلامها، قالتلها طيب افرضي يا ماما حد ضايقني و حط ايده علي جسمي اعمل ايه، قالتلها بصي يا جاسمين لو حد حط ايده علي جسمك او عمل حركة ضايقتك من اللي قولتهالك لازم متسكوتيش، وتزقي ايده و تجري بسرعه لبعيد و تيجي تقوليلي او تقولي لبابا علي طول و احنا هنعرف نتصرف ازاي ، او تصرخي بصوت عالي و انا او بابا هنجيلك بسرعه.

قالتلها جاسمين حاضر يا ماما ولما تروحي المدرسة تبقي تجري تقولي للمدرسة بتاعتك بسرعه و متخافيش من حد، و اي حاجه تحصل لازم تحكيها لماما أول بأول محدش يقولك ده سر بيني و بينك او متقوليش لمامتك لان مفيش بنت أو ولد شاطرين يخبوا أي حاجه عن مامتهم.

جاسمين سمعت كلام مامتها و وعدت مامتها انها تنفذه و بالفعل في يوم من الأيام جالهم ناس قرايبهم عشان يزوروهم، وهما عندهم جاسمين غصب عنها ادلق عليها كوباية العصير و هيا بتشربها، دخلت جاسمين اوضيتها عشان تغير هدومها اللي اتبلت و قفلت الباب عليها، و فجاه لاقيت حد من قرايبها بيفتح باب اوضيتها من برة عليها قعدت تصرخ بصوت عالي و تنده علي مامتها، ومامتها جت بسرعة و قفلت الباب عليها، قريبهم اعتذر لها و قالها انو مكنش يعرف أنها في الاوه بتغير و انه مكنش يقصد.

مامتها فرحت جدا منها لانها أتصرفت صح زي ما اتفقت معاها، و قالتلها برافوا ياجاسمين انتي اتصرفتي صح انتي بنت شاطرة لان جسمك بتاعك انتي وبس و مينفعش اي حد غير ماما يشوفه.

قصة أسامه والكنز

حدوتة ( نور تعترف بالحقيقة )

حدوتة النهاردة ..... للكاتبه الرائعة شيماء عبد العال😃😃😃😃

( نور تعترف بالحقيقة )

كان ياما كان .....كان في زمان بنت جميلة اسمها نور .......👧👧👧👧كانت نور بنوتة رقيقه و مؤدبة ..........كان باباها بيجيبلها حاجات حلوة كتير و بيحطلهالهافي البيت و مامتها كل يوم تحطلها منها في شنطة المدرسة .....🎒🎒🎒🎒بتاعتها عشان تأكلها بعد السندوتشات بتاعتها.........وكانت نور بتبقي مبسوطة جدا .. .....و في يوم من الايام لاحظت نور ان في اولاد و بنات اصحابها بيجيبوا معاهم فلوس coins ......💰💰💰💰.و في وقت الاستراحه بينزلوا يجيبوا من الكانتين الموجود في المدرسة حاجات حلوة ........🍬🍦🍬🍫🍭.الفكرة عجبت نور اوي .........و لما روحت سألت مامتها ......انتي ليه مش بتديني فلوس يا ماما اشتري بيها حاجات من الكانتين بتاع المدرسة ......🍬🍷🍪🍩🍫🍭..قالتلها يا حبيبتي ما بابا بيجيبلك الحاجات الحلوة اللي انتي بتحبيها و بحطهالك في الشنطة بتاعتك كل يوم ......🍬🍭🍬🍭🍬🍭..قالتلها لا يا ماما انا عايزة مصروف.....يعني تديني كل يوم فلوس .......فضلت مامتها تفهمها ان كدة غلط لانك لسه صغيرة ........ممكن الفلوس دي تضيع منك .......💰💰💰💰.و متعرفيش تحافظي عليها ........و كمان في الكانتين بتاع المدرسة الحاجات الحلوة بتبقي معروضة في الشمس و ده خطر و ممكن يجيب امراض وحشة ..........👎👎👎👎.دا غير ان الكانتين بيبع الحاجات الحلوة بأسعار اغلي من السوبر ماركت ....... يعني ممكن تلاقيها قد تمنها برة مرتين .....يعني ممكن نوفر و نجيب من السوبر ماركت بدل الحاجه اتنين.......✌✌✌✌.و لاننا بنحبك و بنخاف عليكي بنجيبلك اللي انتي عايزة من السوبر ماركت و بحطلك في شنطتك ........نور برضه مقتنعتش بكلام مامتها ........😤😤😤😤..و اصرت ان مامتها تديلها فلوس تشتري زي اصحابها ........و بالفعل اضطرت مامتها توافق علي كلامها و تسيبها تجرب بنفسها عشان تتعلم ......😱😱😱😱😱و تعرف ان مامتها و باباها اكتر ناس في الدنيا بيحبوها و بيخافوا عليها ........و بالفعل اخدت نور الفلوس الصبح من باباه و راحت مدرستها .....و جت تطلع الفلوس من شنطتها في الاستراحه عشان تشتري الحاجات الحلوة زي اصحابها ملاقيتهاش ....😔😔😔😔😔.. قعدت تدور و تدور برضه ملاقيتهاش.......اضايقت جدا و قعدت تعيط و قالت لنفسها لو قولت لماما هتزعقلي .....😥😥😥😥.لانها حذرتني و انا اللي مسمعتش كلامها .....الشيطان خلاها تفكر فكرة مش كويسة ......انها تكذب علي مامتها و متقولهاش ان الفلوس ضاعت منها .......👎👎👎👎 و لما تسألها جبتي ايه بالفلوس يا نور تقول جبت شيبسي و عصير مثلا .........و بالفعل لما نور رجعت البيت و مامتها سألتها كذبت و قالت انها اشترت شيبسي و عصير ..... .🍭🍬🍺🍷فرحت نور ان الموقف عدي من غير ما ماماتها تزعقلها ..... مامتها قالتلها خلاص مدام انتي مبسوطة هديلك كل يوم مصروف .......قالتلها لا يا ماما انا مش عايزة مصروف تاني خلي بابا يجيبلي الحاجات الحلوة معاه زي الاول .... 👴👴👴 استغربت مامتها .....و قالتلها حاضر براحتك بس ايه اللي غير رايك .....الشيطان خلاها تكذب كذبة تانية و تقولها .... 👻👻👻👻 اصل الدنيا عند الكانتين بتبقي زحمة اوووي و اشتريت النهاردة بالعافية ........مامتها صدقتها ........و لما راحت نور عشان تنام في سريرها .....مجلهاش نوم ....👻👻👻..ضميرها فضل يأنبها انها كذبت علي مامتها خاصه لما افتكرت كلام مامتها اللي علي طول بتقولهولها ..... ان في ملاك بيقف علي كتفك اليمين بيكتب الحاجات الحلوة اللي بتعمليها طول اليوم ......😃😃😃😃و ملاك بيقف علي كتفك الشمال بيكتب الحاجات الوحشة ......يعني كل حاجه بتعمليها بتتسجل و هتتحاسبي عليها يوم القيامة ......😱😱😱😱😱😱😱..و لو طلع الحاجات الحلوة اللي بتعمليها اكتر من الحاجات الوحشة يبقي هتدخلي الجنة .....و لو العكس يبقي هتدخلي النار ...... نور خافت لانها كذبت مرتين علي مامتها النهاردة .....و الكذب من الحاجات الوحشة طبعا ..... 👎👎👎👎 قامت من سريرها بسرعه و جريت علي مامتها و اعترفتلها بكل حاجه و قالتلها الحقيقه و اعتذرتلها و ووعدتها انها مش هتكذب تاني ابداااااا و انها اتعلمت درس مش هتنساه ابدا ......و توته توته خلصت الحدوتة حلوة و لا ملتوته.........😃😋😃😋😃😋