سلسلة غرس القيم عن طريق قصص الاطفال ( مقدمة )

[box type="shadow" ]قصص الاطفال من افضل الوسائل لغرس القيم خاصة في السن الصغيرة لأنها  بيكون ليها التأثير الفعال فى توجيه السلوك الطفل او تعديل السلوكيات السلبية للطفل  و لكن بشرط ان تتوافر فيها الحبكة الدارمية و يكون الاسلوب متفق مع السن وسنحاول تقديم قصص اطفال تراعى هذه المعايير وان يكون الشخص الراوى للقصة محببا للطفل سواء الأب او الأم وان يتم اختيار الوقت المناسب لسردها [/box]





قبل ما نبدا فى السلسلة لازم نفهم الأول يعنى ايه قيم , القيم عبارة عن  مجموعة من النظم والاعراف التى تحدد سلوك وتوجهات الطفل خلال حياته وهى مهمة جدا حتى يستطيع الطفل مواجهة التحديات و المغريات الى حتواجه فى حياته

ما العمر المناسب لاستخدام قصص الاطفال كوسيلة تربوية

كل ما كان الطفل صغير كانت القصص اكثر تاثيرا فيه وفى العموم ينصح ببدا استخدام هذه الوسيلة عندما يصل الطفل الى مرحلة يقدر ان يفهمك ويميز كلامك وبتختلف  المرحلة من طفل الى اخر بعض الاطفال يصل الى هذه المرحلة قبل ان يتم عامين, والبعض يتاخر حتى يصل الى عامين ونصف , الأم وحدها تقدر تحديد قدرة طفلها على الاستيعاب , واحنا  بننصح ان تبدا الأم من عمر عامين حتى يعتاد الطفل على هذه الطريقة وتحقق التأثير المطوب

ازاى حتستخدمى الطريقة مع طفلك ؟

• اختارى قصة مناسبة لعمر طفلك و حنراعى اننا نكتب  فى كل قصة العمر المناسب ليها بحيث يقدر الطفل يستوعبها


• اقرأى الأول انتى القصة لوحدك اكتر من مرة وافهميها كويس


• ابدأى احكى القطة لطفلك باللهجة العامية البسيطة و بالالفاظ الى ممكن يفهمها الطفل


• احرصى على استخدام المؤثرات الصوتية  والانفعالية مع الطفل وانزلى بعقلك لمستواه خليه يستمتع ويضحك وانتى بتحكى القصة ليه


• احكى القصة للطفل كل يوم فى الوقت المناسب ليه ويفضل قبل النوم , واستمرى على كده لمدة لا تقل عن اسبوعين عشان تتاكدى ان القيمة اتغرست فيه


• مهما كانت القصة هايفة احكيها لطفلك ولازم تفهمى ان مخه غير مخك و الطفل الصغير اللى فى القصة الى مش بيكدب وبيسمع كلام امه هو بالنسبة ليه بطل مش مجرد طفل وحيكون قدوة ليه


• اخر حاجة الاستمرارية الموضوع مش يوم او يومين لازم المداومة والموضوع مش صعب ومش حياخد وقت وحيبقي شيق ليكى وللطفل

[box type="success" ]انشاء الله حنبدا من الاسبوع ده وحنزل كل فترة قصص اطفال مناسبة وشيقة ونحكيها ونشوف مع بعض كان ايه رد فعل الطفل ولو فيه اى اسئلة او مقترحات ياريت تبعتولنا على صفحتنا على الفيس بوك ونسألكم الدعاء والتوفيق[/box]